Trajneri i Chelseat, Jose Mourinho, ka thënë se ai nuk ka dashur ta ulë poshtë Cristiano Ronaldon, kur ka thënë se Ronaldo brazilian është i vërteti, pasi që sipas tij këtë e ka bërë sepse Ronaldo brazilian është më i moshuar.
Menaxheri i Chelseat kishte cilësuar pak ditë më parë Luiz Ronaldon si Ronaldon e vërtetë, e jo Cristianon, teksa Mourinho tërhiqet nga këto pohime, duke thënë se ai nuk e ka menduar këtë.
“Unë e kam thënë se Ronaldo brazilian është Ronaldo i vërtetë për shkak se ai ishte Ronaldo i parë”.
“Nëse do të më pyesnit se kush është Mulleri i vërtetë, Thomas Muller apo Gerd Muller, do të thosha ky i fundit. Për mua, Mulleri i vërtetë është ai pasi është më i moshuari prej të dyve”.
“I gjithë ky film për deklaratën time sigurisht se është krijuar në Madrid. Cristiano është lojtar i madh dhe ka shënuar gola gjatë gjithë jetës së tij. Kur ai shënon nuk është lajm i madh, por kur ai nuk shënon, atëherë po”, ka thënë Mourinho.